一個幾老套既方法..(改左內容)

天下女女

首先講聲唔好意思先,或者唔應該開個新post黎講,不過.....總之唔好意思啦

如果有回/睇過我5日前開既post既話,應該大概知道小弟當時既煩惱,所以細節唔再多講..
睇過大家既意見之後,我試過當中一個意見同方法,就係嘗試o係窗口黎識o個位女仔,可惜有一d因素..令小弟覺得e個方法似乎都係唔掂= ="(而其中一個因素就係e排佢屋企既窗口都掛左好多衫..同時我都係..).你地或者會話比多少少時間啦,之不過.....如果日日如是既話...(我咁講唔係因為絛耐性,而係長遠黎睇咁等都唔係辦法..)

參考過其他post,諗左好耐,小弟就諗左一個幾老套,但係應該幾有效既方式...就係寫信...
諗到e個方法..係因為我覺得用"文字",對方感覺上可能會無咁唐突.再加上我同佢雖然係鄰居,
但係遇上既機會似乎都唔大....

我亦當然用"信"既形式都唔係完全無問題,但我相信效果應該好,而且亦比較自然.
以下係我大概既內容....(上,下款我唔打啦,剩打內容)

你好啊,我先介紹自己先,我係住16樓xxxx室既,只要你望出窗應該都會見到我.唔知你仲記唔記得好耐
之前,係窗口度我同你傾過偈(你細佬同我細妹都係度),d不過都好耐之前啦.其實我寫封信比你,
係想同你做個朋友,唔知你介唔介意呢?可以既話,希望你可以係msn度加我,以下係我msn
xxxxx@hotmail.com.麻煩到你,先同你講聲唔好意思.

內容會再執一執.....唔知個方式得唔得,不過仲有小小問題
下款應該寫咩好?(寫返自己個名?)
因為我唔知佢個名..抬頭應該寫咩好?(致15xx室的女仔?)
所以,小弟都係先請教各位既意見....

keeken2005

喔...
我都係樂古支柱-.-吾好無視我
你咁做係怪....
識女仔最重要:自然,雖然好似好難,,但你吾識就點都會留下怪印象
仲有咁唐突,人地以為你有咩企圖-,-都係借某d事黎識比較好,
例如搭lift(我諗來日方長吾會見吾到掛..)
開口(好難的):你住xxx?我住你隔黎啊..
佢要講野既話比佢講,講完你就問可吾可以做個fd,有冇msn?
佢比就ok吾比就收山

天下女女

2# keeken2005
點會呢,大家都係壇友,我只係引用其中一位壇友既話而已.
先講聲唔好意思...我汁過個內容,但係汁之前未睇你既回覆...
所以先多謝你既意見

keeken2005

咁拘謹做咩!?
你好啊,我先介紹自己先,我係住16樓xxxx室既,只要你望出窗應該都會見到我.唔知你仲記唔記得好耐
之前,係窗口度我同你傾過偈(你細佬同我細妹都係度),不過都好耐之前啦.其實我寫封信比你,
係想同你做個朋友,唔知你介唔介意呢?可以既話,希望你可以係msn度加我,以下係我msn
xxxxx@hotmail.com.麻煩到你,先同你講聲唔好意思.(仲有..我十六歲既~)

hi,我住你隔黎,,反正大家有時望出槍都會見到..可吾可以做個fd?
有冇msn?

咁仲好囉我覺得

天下女女

4# keeken2005
哈 禮貌上要咁講呢(性格係咁..無辦法~)

其實我都諗住簡潔d,不過我講到:唔知你仲記唔記得好耐之前,係窗口度我同你傾過偈(你細佬同我細妹都係度),不過都好耐之前啦.e段主要都係想令佢諗返起/記返起我.

你個段夠哂簡單直接,我諗應該都用得過,不過或者會再加多小小野.
十分多謝你既意見

p445hkk20001

我係個女仔 會覺得 你有點兒那個- -''
樓主 搞度 好格式 太有禮貌 就搞度 太怪... 識朋友姐...
好簡單...
樓主你新學期開學,見到新同學你都唔會同格離講自我介紹呀嗎?
你咁做 令人唔知你 想點
我知你心急, 但係 欲速則不達....

冰月~

沒有完全閱讀,不過我認為自自然然講下野就得

天下女女

6# p445hkk20001

其實我都知自己心急,而且過急的確會有可能有反效果...
但係我好希望係開學之前開到個頭,因為開左學之後....咩事都有機會發生..

老實講,平時識fd我都係傾傾下就識左,
所以今次既情況可以話係小弟第一次遇上...
平時樓下or搭升降機已經極少見到面,所以先出此下策..
(事實上,我個人有時的確係太客氣或者太有禮貌..)

p0840033

哇!  你咁樣

我覺得個女仔會好驚   

又可能佢收左你信    睇完就算!  冇埋你

你要自己諗下    如果你係女仔!

無神神收到信   講呢d野   你會點  ?

佢又唔知你咩人     係女仔都驚啦

天下女女

9# p0840033
主動咁去識一個人,預左會比人拒絕..我諗e個心理準備一定要有.(女仔就更加啦)
當然,我諗到用e個方式就一定有諗過對方收到會係咩反應.不過我諗未至於好驚掛,至
多只係覺得奇怪姐....
而且,假如佢有睇到個內容,而且又記得當中提到既事,應該都會有d印象..記得我掛