JOEY

加拿大要18先得嗎？
重諗住佢地大人少出門難，會好似美國咁16歲就可以考 tim！

都估到妳好大力上色，如果唔係木顏色點會變成依家咁？
個 reference 到有摺紋，雖然唔知係咪隻袖，不過唔會咁"手"囉！
講邪惡既話，原圖果個較為邪惡同高傲，妳果個有 D 接近迪士尼動畫 D 皇后樣。
至於點先可以邪惡 D，咁就真係要觀察下真人、電視、電影、動漫畫 D 奸角了！
試下自己演個奸樣出黎，咁樣應該會最直接。

居然可以畀凸分，真好。
下方頭髮內既框位？
真係唔好意思，因為我已經唔再係到細心睇各人既作品，所以都留意唔到呢！

小妹妹都甜蜜16歲吧？未到就到啦！好快就可以學的了！
加拿大既高中會有教駕駛規則既堂上嗎？

輕力係無論上左幾多層 layers 都唔會好似依家咁架！
不過要油到咁，可能用蠟筆更方便。
如果無突到出框，我都覺得係膝蓋位，
不過依家係框外既位對腳黎講細過頭吧！唔知呢！
要奸，幾時倫到妳？

做多兩日功課之後就放假，今次"就"喇掛？

甜蜜十六歲、sweet sixteen，雖然確係一首歌名(呂方既)，不過好似不嬲都係咁形容16歲架喎！好可能係外國咁形容先 tim！

我都唔鐘意蠟筆，最大原因應該係佢陣味，同埋用完之後會有好多碎。
不過以較果黎計既話，我相信會較方便姐！

奸有乜好練？保持住赤子之心同一定既童真先係好事。

西方國家都係鐘意放假前開 party 吧！

放假了吧？恭喜！恭喜！

帝女花唔係我個年代，上海灘都唔係我個年代，甚至甜蜜十六歲都唔雙我個年代，
不過以上既我統統都識喎！
好多野都可以係唔同既傳媒到睇到，聽到，學到同認識架嘛！

妳唔講都唔記得，確係會好易有好多白色位，但係我相信只要大力 D，應該都會搞得掂吧！
幼既位，咪整尖支筆先上色囉！哩個係所有上色技巧既不二法門。

奸人可以唔駛理人感受，唔需要理合唔合法，無道德枷銷，無良心既責備，只要自己想，就有理無理就做，重要有咩事都唔駛自己負責，理論上係非常著數架！
所以係功利社會，好人既代名詞係戇居！
大概因為咁，所以人類社會先越黎越衰敗吧！

用"skip" 咁好聽呀？
我哩邊一般黎講都會直接用個"cut"字。
要細分既話，"cut class"就係單純既逃學；
"skipping class"會係有特別原因而鄺課掛！
古古力. . . 哩個叫法算中文定英文？
咩叫睇UP？

啊~！原來係哩套~！
雖然我係學 3D animation，不過睇就真係好少，都係日本既多。

木顏色要非常大力先會夠深色吧？
立筆大力、細力都係咁深色囉！

咦！會有「凡事有兩面」哩個諗法，小妹妹既思維好可能絕對唔(口靚)妹 Bor！
中文我叫朱古力，英文可以叫 coco囉！

套戲好長？

去戲院我又無興趣，碟又唔會租，睇怕都無乜可能了！
之前睇過既唔係係學校睇就係有人有碟借黎睇的。

隨口 up 架 jar？
評價降返為「應該都重係(口靚)妹」先。

朱字好難打既咩？
我用九宮，所以唔清楚，不過咁少筆畫，應該唔會掛？

咩"呢d野""果d野"？上網睇同down 落黎睇同樣都係無畀到錢，事實上都係唔合法的。
我只會買我鐘意果 D 囉！其他既有既咪睇，無既咪算囉！唔係習唔習慣吧？
好既，又得我心既，重有財力無問題時一定支持正版。

我果個vesion係較舊既，所以同妳果個可能唔同。
所有香港地道字唔會有，有既話，其他人睇都好易亂碼。即係："口靚""口拿""口既"哩  D 加個口字果(口個) D。
重有好多字想打時搵黎搵去都搵唔到，不過一時間講唔出係邊隻字。

寄失左啦~！

乜我有話過唔得咩？

得我心，即係我鐘意或者吸引到我去買既意思。

除左未必有得打哩 D 字之餘，多數人都懶打字嘛！
香港好多人甚至懶到連叫球員名都懶到出汁，咩c7、 v11、費托等等，真係唔知想點咁！
文言文可能先最 arm 香港人用。

諗到一個我打唔到既字：(也母)字。
曾經需要，不過打唔到出黎。

妳唔會咁天真，以為地址、人名無錯就唔會寄失呀？
正正因為有可能，所以郵寄服務先有多種唔同服務，包括掛號同 confirmation等等。
我試過收到一封郵局要用個透明袋包住既信。
點解？
因為郵局唔知點樣整爛左封信，到我手時係唔知左1/7的。

懷疑寄失應該可以要求佢寄過個畀妳的。

我重以為妳果個年齡層會好 buy 哩 D 打字法 tim！
我都覺得好核凸。妳話電話到 send message 因為有字限，所以咁做都情有可原，平時真係要戒。
不過最驚睇到 D 人打埋 D："禾巧令"！
更衰既係最會歧視講廣東話有響音既人，就偏偏係最常咁打字！
話時話，我之所以打"果個"，咪就係因為無(口個)字，如果用"個個"又可以變成另一個意思，如：「個個人」。
咁打真係唔知我講緊一個人定每個人呢！
妳點打到個"乸"字？
等我試下係咪新 version 先至有。

Install window 7 前backup 好所有野安全啊！

有遠行，一月中重見到妳時再傾過。

Merry Christmas and Happy New Year.

小妹妹轉左 Reborn bor！
後期唔知搞乜變成係咁打，無再睇了！

會鐘意"禾巧令"哩類打法既人，大概只得會咁打字，同埋 D 絕對宅男先會吧！

唔係為左歧視人而咁打，只係通常會咁打字既人，大多數都係好無知，好睇唔起人既人。不過偏偏佢地就覺得咁樣講野會好可愛囉！

紅色字好多人都睇唔到的。
我就係因為以前用紅字，點知對方睇唔到，變哂亂碼，所以就無再用了！

小妹妹，重有成個幾月先農曆新年，而更重要既，係我重未結婚。
問妳兄長阿嫂啦！

妳應該錯了！
動畫因為會快過漫畫，所以不但只唔會 cut 內容，反而會作多好多漫畫無既故事黎等漫畫既進展的。
而哩 D 原創既故事，往往都會好易同原作出現矛盾既地方，最佳例子就係《龍珠》喇！
點解我會話"應該"呢？
因為自從佢失驚無神玩去到未來，重係咁打之後，我覺得佢變成為左打而打，唔再好睇，所以無再睇了！
動畫係點，我完全唔知呢！
用 One Piece 做簽名，就以 One Piece 為例吧！
如果妳有留意，應該會發現有時有 D 故事係畫得靚好多，有時就好差。
漫畫有既唔一定畫得靚，不過動畫到靚既，一定係原作漫畫到有既。
路飛一班人幫比比回國打鱷魚時，咪有段橫渡沙漠既？
果 part 勁無聊又畫得差既就係老作出黎拖時間。
之後真係打鱷魚∕上天打神時，都係明顯靚好多。

我以前就係樂古紅字唔得，不過我相信係睇下果個人部機既 setting 睇唔睇到吧！

妳阿哥入落妳媽個戶口既話，新年向妳阿媽逗利是時，問埋妳阿哥份囉！
再唔係叫佢寄過黎，哈哈！

當然係 US 賺得多啦！
不過讀書時 D 阿 sir 都講到明，80%以上既人係以人士關系入行既，不過人士關系我無。
最慘係 entry level 既工可以話係無！
就算有都係其他國家，所以去唔到。
所以到依家都只係搵到 free lance 做。
Style 都係個問題。

差 D 唔記得，
唔該哂！ Thank you!

上網唔知咩事好慢，聽日先再試果兩條 links。

3分鐘咪少囉！
One Piece 動畫我睇到天空掉苦落黎之後就無睇，當時都已經有兩集係回顧啦！
唔計一開始就唔跟原著果 D，
龍珠絕對係加到鬼五馬六既表表姐！

One Piece 畫左都超過十年，妳兩個禮拜就殺左佢唔知幾多年了！
所以妳話動畫係快幾多！

有既話絕對係好得多囉！
我以為妳唔敢問，最後點樣問？

咁要問清楚果位阿 BEE 兄啦！
如果佢出現既話。

睇果個當然係咁想啦！

One Piece 既話，漫畫都係由頭開始睇較好。
漫畫到有樣野同其他漫畫好唔同，佢會係第一頁版頭位到畫 D side story。
通常都係講之前既故事既角色既去向等等。
當中好多都影響埋主線故事既發展。
到我停左無睇動畫時為止，唯一將哩 D 版頭短篇變成動畫既就只得小丑巴基個冒險。
其他有影響主線既，都無見過了！

重新睇咩都好，好多時都會有好多之前無發現既野，都幾有樂趣的。

讀咩野校都好，識既人都係向唔同行業到發展架啦！
我意思係話要幫手都係7、8年後既事，到時咩世界無人知，咁早就話幫手無意義姐！

有好多野都係越學、越做就越快，越好。
當然，再快極都係會有一定限制啦！
以妳張 One Piece 為例，
如果有人話佢可以由無到完成到哩幅圖咁只係用三個鐘，
信佢果個都白痴啦！

小妹妹開學了或快開學了吧？
學業進步啦！

可能唔知幾時插入好掛！
不過我相信動畫一定會整埋各人被熊彈去唔同地方既制遇，話哂都係主要角色嘛！

妳可能唔知，係香港甚至係日本，都有漫畫家係出名慢的。
畫家畫得慢唔奇，不過漫畫係連載既，慢既係生存唔到的。
不過香港有位司徒劍橋，佢最出名，同最令行內行外人所熟識既，就係慢。
不過要比，香港有位劉雲傑，佢本《Feel 100%》後半係以"年"為單位黎出版的。
不過正所謂人上有人，係日本，有套像作品叫《五星物語》。
對上一次出已經係十幾年既事，套漫畫佢重盡緊，未完的呢！
不過，佢地係異數，一般人一早已經無飯開，餓死左吧！

就 exam？咁快？加拿大既制度唔同吧？

我？我畢左業一段時間架啦！

咁要睇下個故事會點發展了！
或者打打下，唔知點樣成班人黎到幫手。
講起 One Piece，佢有套電影將會上影。
今次套電影特別之處係個故事真係原作者，尾田榮一郎作，而且同漫畫本身有關。
佢重畫埋個序章出黎，當日提及點解路飛阿爺，加普只係做中將。

我都想知佢地點生存！

香港係一月第二個禮拜返番學，一返學唔記得幾時就係考試了！
美國係放聖誕之前完左個 sem，所以放完假之後只係開學，未有咁快有試考。

做緊份同 animation 無關既 part time。
另外做過3份 animation free lance，不過 full time 既 animation 工就重搵緊。

假設佢地真係會出現既話，反而奈美先係佢地出到現既原因吧！我諗。
空島駁空島，點都易過同快過係海到掛？
又或者係索柏果邊隻大鳥都係有可能性。
之前果D都唔係原作者諗出黎既，所以基本上可以當同原作無關既故事黎睇。
今輯劇場版好唔同，唔只人設，連故事都係原作者度出黎，漫畫都畫埋，所以係同原作直接連繫住的。

如果我唔懮柴懮米既話，我咪生存到囉！

放假前考哂就唔駛怕之後唔記得，而且可以放心咁去玩。
加拿大同香港既制度應該係幾接近，甚至一樣吧？
聖誕 > 考試 > 農曆年

我位 part time 係對 animation 零幫助的。
就算話係同唔同既人相處哩點都無幫助，因為我不嬲都無哩方面既問題。

係架！
不過哩樣係我所學之餘，最重要係真係有興趣，如果唔係都唔會讀 art school 啦！貪佢特別貴咩！
所以好難放棄的。
唔係要顧及好多野既話，我諗我一早就返左香港到試下了！

好耐無見，完來係應付考試！

我比上不足，比下有餘。

應該唔關妳幾年級事。
最主要都係睇下妳本身係屬於邊種學集類型吧！
一般黎講，只要上堂時留心 D，咁大多數野其實都已經係腦裡面，特別係一 D 自己鐘意既學科。

都唔係是但的，因為時間比妳想象中過得快。

妳咁既諗法，係妳哩代人特別多呢！
有邊一樣野，當要正正式式學習時會唔幸苦，唔受挫折？
不過妳係咪家長逼得娜辛苦果 D我就唔知了！

朋友哩 D，唔係到時上上下堂就自然會識既咩？
我哩 D 好少會同陌生人講野既人都會識到人，我諗妳唔係果 D 現實生活唔敢講野，甚至怕面對人既人掛？

凍天搬屋應該好凍吧！

點講好呢？
免得太大篇，試下簡短 D 講。
妳之前考既野會唔會係香港學過我唔知啦！
假定係係加拿大到學既，咁就睇下妳平時上堂有無留心聽書，同埋妳本身想唔想讀咁囉！
懶又唔想讀既，點都死；
有資質既，睇下佢想唔想同有無心讀，哩類可以得好高又可以好低分，
唔同人唔同咁啦！

妳唔係第一個咁樣既人，甚至好可能世界上大多數都係妳咁既人，未到惡性循環既！

唔係得兩個人吧？
識人唔一定要識同年紀既姐！同學吧了！

呵呵！小妹妹如果係香港坐小巴，會唔會唔敢嗌有落呢？

呵呵！我以前都被逼遷。

我都係上堂絕對留心既人(只限我有興趣既科目，不過都會傾偈。)
對我黎講，上堂時訓覺絕對係. . . . . 無可能既！
完全唔理解有乜可能可以訓得著，重要見過有人訓到流口水，好野！
確係唔可以只係單單上堂留心就得，
只不過因為上堂留心，所以一溫書時就乜都一睇就明，一齊都易得多囉！

兩個學生加兩個老師，
哇！ 1 on 1 喎！
好貴吧？
好處係位老師可以將所有時間放落妳到。

起身落車都唔敢？
誇 D 吧？
坐窗口位，落車時要坐邊位既人借開，又或者驚掂到人，所以唔敢落呀？
小妹妹，咁樣過份地鵪"春鳥"了吧？
遇到色狼時妳就慘了！實非禮到唔停手，哩樣要改啦！

加拿大我唔清楚，美國既 basement 間房租畀人既話，原本係犯法的，不過因為咁多年黎已經搞到差唔多每間屋都係咁，加上政府無錢，所以變成合法再要 D 人畀錢了！
無廚房，咁點解決三餐？用電爐？

哈哈哈哈哈！
上堂訓到叫唔醒係係加拿大既事？
好野！

一般都係示範完之後各自畫，間唔中指導下的。
2對2居然會咁就真係怪喇！

假如出街時人有三急，不過當時無人話去，咁小妹妹係咪會死忍到有人話去先為止呢？
小妹妹係真係咁細聲、咁斯文定咁鵪鶉先？
不過警察都有文職，所以其實係 OK 的。
依家係香港做警察可以話非常慘。
D 人郁手之後制止佢，都可以掉返轉話警察打人，亂用暴力，
而好多傳媒又係唔係都話警察唔 arm 咁，好悲的。

小妹妹樣子如何. . . . . 我唔知。
之前張頭像，笑得幾燦爛咁囉！
不過最重要既，係強姦非禮既受害者，唔一定要好標青的。
好多案例都係 D 犯就手或者覺得好恰就黎的。

用人地廚房或者共用廚房都係一件麻煩事黎呢！

係香港咁細個就要做功課做到通頂？
早一、兩個年代既話，罰妳企睇下妳會唔會重訓到。

搵笨既畫畫堂呢！

經過 D 醫生、科學家等研究發現，其實蹲係到如廁係對身體較好，去得會順暢 D同乾淨 D，
所以近年開始愈黎愈多人用返蹲廁了！

怕且係怕羞吧！

邊個話笑得燦爛=要露齒？

可能我搞錯。
即係依家有廚房定無廚房？

香港依家 D 功課咁誇張嗎？
通頂 > 上堂眼訓集中唔到精神 > 上堂吸收唔到所以更需時做功課(即係通頂)
惡性循環呢！
不過香港既家長都有責任，如果唔係只睇成績表既成績既話，
學校就唔會愈黎愈只塞 D data 入 D 學生既腦到，
靈活運用同了解真意重有學生品行變成無人理了！

妳依家都重幾鐘意吧？
係唔想有壓力下畫姐！

唔係呀？凌空坐？
坐無影凳時全身都會崩緊，好難去吧？
污穢咪用廁紙鋪好塊廁板先坐囉！
而且我相信加拿大同美國一樣，公廁都會有專用黎鋪廁所板既紙吧？
小解就話可以企，大解都唔得吧？
不過駕車去遠途旅行時，又或者去埋 D 山卡啦既地方時，確係方便過女仔好多的。

笑得燦爛同笑得好陽光一樣，也許都會笑到見牙，不過都唔一定既。

咁依家個簽名係咪小妹妹妳本人？

都係妳母親用姐！
妳會用嗎？

莫非因為係第一年，學校都唔知邊 D 要教哂，所以咁亂？

又唔係完全唔求分數既！
只係唔應該過份填鴨式姐！
學校成績表既操行其實不太可信的。
妳覺得一個擦鞋仔既操行一般係成績表係咩？
更重要既係校內校外可以好大分別。

因為污穢，所以先要鋪。
流動廁所都係咁的。
我有次去辟D既地方到釣魚，果度個廁所就真係經曲喇！
除左妳所講既問題之外，佢重要乜顏色都有。
馬桶內鮮藍色既野小妹妹認為會係 D 咩？

鬼知果個係邊個。

係煩 D架啦！
如果會見到外人，重未必好意思著得太隨便 tim！

妳學校果 D 好似唔係操行喎！
只不過係學校表現、活躍同participation 既野黎 jar 喎！
不過分數為上既學校都會係咁吧！
我哩邊有間所謂既各校高中，
收既學生都係要考入學試，初中極好成績先入得。
我高中時有位老師係果度教過，
佢話佢當時見到班學生為左考試高分 D，
乜鬼貓都出過哂。
更死既，係有次全市公立高中既 cross country 比賽。
果次既終點就係係果間學校附近，
我有個朋友比賽完，係果邊塔巴士返屋企。
佢見有幾位婆婆要上車，
就讓幾位婆婆上車先啦！
點知就係哩個時候，
有幾位所謂既名校生居然頂開 D 婆婆上車先！
哩 D 人就算第時幾高成就，
咪都只係斯文敗類囉！
哩 D 先係操行、德行嘛！
我位朋友上左車之後，
重故意大聲同佢位隊位講：
「名校生喎！」
名校生咪怒睥我朋友，無聲出囉！
不過我係 d 論壇到發現，
香港，特別係年青 D 既一代，
佢地都偏向唔讓人，例如讓座畀大肚婆呢！
重大大聲話哩 D 係佢地既權利。
無架，係佢既權利，不過明顯無品囉！

呀！好大段呢！

妳有幾唔乖？

藍色物體唔係用黎清潔廁所既野黎，
係一 pet 的，所以錯了！

唔知咩係夢夢 online，
最多只可以話睇樣似台灣妹。

提醒妳一句，
女仔咁著，其實係可以極度吸引男仔的，小心點了。

雖然講粗口哩 D 係學校一定扣操行分，
不過好多時候只係爛口，人品好可能係唔錯。
玩老師反而唔覺得有乜好玩，
感覺上都係本身較扮野既人會特別鐘意咁做。
曳既學生多數都係搞破壞(非惡意)咁。

上車就訓？
好野！
我姑姐都係咁，重要係差唔多要落車就識起身既 tim！
當然，都試過失手啦！

讓座畀公公婆婆大肚婆哩 D 係"正確"姐！唔係"正義"。

屋企同網上都會講粗口？
不過首先要清楚，咩係粗口先？
每一個年代既人係妳既年齡時，
好多都唔係真係知道邊 D 係粗口，邊 D 唔係架喎！
就算知都好，大部份人都唔知點解呢！
妳所謂既粗口，係指邊 D？

果 D 係.....「藍色異物」！
得果一個山卡啦既流動廁所見過，無負責人可問的。

對 online game 完全無興趣。
對哩 D 代言人既感覺更加係 R 哂頭。
完全唔覺得個 game 會因為個代言人就會好賣 D，
因為個代言人而令人卻步我反而相信。

著住睡衣重扮哂靚既話，只會令人覺得怪吧！
就係因為自然，所以先至會吸引。

同我一樣？
上車會訓覺果個唔係我喎！
我係坐飛機都訓唔到咁滯的。

居然准講 "poor guy"，
我重以為妳屋企家教好嚴既 tim！
女仔之家咁爛口做乜？
斯文番 D 啦！
為講而講或者純粹順口都戒左佢啦！
男仔講粗口女仔都會覺得個男仔粗魯，
女仔講就更加難睇啦！

就係因為見過既人都睇唔出黎乜，成為左一個謎，
記起講講姐！

咁要睇過先知喇！

訓唔到，點訓？

原來妳阿媽都會講。
係香港，男仔好似愈黎愈少講，
相反女仔愈黎愈爛口呢！
唔係好現象黎。

無影到相，問左都無用，都只係憑空估估下。

Animation 既工將會再開始搵，
份 part-time 一直做緊。

冬奧開始了，
要留意雙人花式溜冰。

拜個早年，
恭喜發財，學業進步，斯文回歸，穢語遠離。

去搵果位老師會唔會正路 D？

原來如此。